ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានលើកឡើងពីបំណងរបស់សម្ដេចក្នុងការដើរទស្សនាតាមអគារខ្ពស់ៗក្នុងរាជធានីភ្នំពេញនិងតាមតំបន់សំខាន់ៗមួយចំនួន។
សម្ដេចតេជោ ហ៊ុន សែន លើកឡើងថា សម្ដេចធ្លាប់តែឃើញមានបងប្អូនសាច់ញាតិបានឡើងទៅកាន់អគារខ្ពស់ៗក្នុងរាជធានីភ្នំពេញនិងថតផ្ញើមកឲ្យសម្ដេចមើល ដូច្នេះសម្ដេចមានបំណងមួយក្នុងការដើរដើម្បីឃើញថាទីក្រុងមានការអភិវឌ្ឍបែបណាខ្លះ។
សម្ដេចថា៖ «ថ្ងៃណាដើរខ្លួនឯង ចង់ទៅខ្លួនឯង ដាក់ម៉ាស៊ីនថតអីទៅខ្លួនឯងតែម្ដង»។
សម្ដេចលើកឡើងបែបនេះនៅក្នុងពិធីសម្ពោធដាក់ឲ្យប្រើប្រាស់ជាផ្លូវការនៅស្ពានខ្សែកាបកាត់ទន្លសាប និងស្ពានអាកាសឬស្សីកែវព្រឹកថ្ងៃទី៣១ ខែឧសភា ឆ្នាំ២០២៣៕
